Hugmynd

Þetta er einfaldur og þægilegur bjór fyrir byrjendur en samt sem áður virkilega flottur Pale Ale. Hann á að vera beiskur, en þó ekki svo beiskur að þú kvíðir hverjum sopa heldur aðeins til þess að ná jafnvægi á móti sætunni sem kornið gefur. Hins vegar er hann mjög humlaður, sem þýðir að bragðið og lyktin frá humlunum skín í gegn og gefur honum þannig virkilega svalandi eiginleika.

Tölur
Lítrar í Gerjun	21 L
Áfengismagn	5%
Heildarnýtni	75%
Meskitími	60 mín
Suðutími	60 mín
IBU	40
OG	1.050
FG	1.011

 

Korn
4,05 kg	Pale Ale (Weyermann)	90 %
0,45 kg	CaraMunich 2 (Weyermann)	10 %

Humlar	Tegund	Magn	IBU
60 mín	Mosaic (11,6% AA)	15 gr	21,9
20 mín	Mosaic (11,6% AA)	20 gr	17,7
0 mín	Mosaic (11,6% AA)	20 gr	0

Ger

1 pakki af US-5 þurrgeri.

Aðferð

Meskjað er við 67°C í klukkutíma og síðan er tekið Mash-out (ef þú vilt) við 77°C í 10 mín áður en kornið er aðskilið frá vökvanum. Soðið er í 60 mínútur og síðan kælt niður í 18°C. Virti er fleytt yfir í sótthreinsað gerjunarílát, súrefni komið í virtinn og US-05 bætt út í.

Gerjun er 2-3 vikur við 18-20°C.

Ef þú vilt fá ennþá meiri humlakarakter í lyktina gætirðu þurrhumlað með 20-50 gr af Mosaic ca. 5 dögum áður en þú setur á flöskur/kút. Auðvitað væri hægt að velja aðra humlategund. Þá skaltu miða við sömu IBU tölu í 60 mín og 20 mín, en miða við sömu þyngd í 0 mín og þurrhumlun (ef þú ætlar að þurrhumla).

Þessi bjór var bruggaður í 1. þætti Gerjun.is — Bruggferlið

---

Endilega skildu eftir spurningar og athugasemdir hér fyrir neðan. Láttu okkur svo vita hvernig þessi gekk hjá þér! (Við myndum jafnvel þiggja smakk)